امطر سحاب الحزن همال ودان
امطر جمر واسقى جفوني سهادي
وانا منول كتلة هموم واحزان
ونبرات صوتك عيفتني رقادي
لحظة سمعته ثار فــ القلب بركان
وجتني جيوش الهم من كل وادي
وتوافدت فــ الصدر والصدر ميدان
ما كنـّـها الا الخيل يوم الطرادي
وانا بقلبي حب صادق ووجدان
وصمتي عنان وعز نفسي جوادي
جيتك وانا قلبي من الشوق مليان
وارويت نبضك من ودادي ودادي
ابنتصر لك من صواديف الازمان
وانا ذراك عن الزمان الرمادي
ضلوعي الك دروع واحساسي حصان
وعــــروق قلبي لك سيوف حـــدادي
ياللي وصوفك غير عن كل انسان
حبك بقلبي غيــــر ماهو بــ عادي
فتش عروق القلب شريان شريان
والله ماغيرك سكن في فؤادي
موضوع: جيتك وانا قلبي من الهم تعبااان 
الأحد يوليو 05, 2009 12:50 pm
